Mark 8
ព្រះយេស៊ូប្រទានអាហារដល់មនុស្សបួនពាន់នាក់
1នៅគ្រានោះមានមនុស្សច្រើនកុះករមកម្ដងទៀតហើយពួកគេគ្មានអ្វីបរិភោគសោះព្រះអង្គក៏ហៅពួកសិស្សនិងមានបន្ទូលទៅគេថា៖ 2«ខ្ញុំអាណិតបណ្ដាជនទាំងអស់នេះណាស់ព្រោះពួកគេបាននៅជាមួយខ្ញុំបីថ្ងៃហើយប៉ុន្ដែពួកគេគ្មានអ្វីសម្រាប់បរិភោគទាល់តែសោះ 3ហើយប្រសិនបើខ្ញុំឲ្យគេត្រលប់ទៅផ្ទះវិញទាំងឃ្លាននោះគេនឹងអស់កម្លាំងដួលនៅតាមផ្លូវព្រោះអ្នកខ្លះមកពីទីឆ្ងាយៗ» 4ពួកសិស្សទូលតបទៅព្រះអង្គវិញថា៖ «នៅទីរហោឋានដូច្នេះតើអ្នកណាអាចរកនំប៉័ងពីកន្លែងណាឲ្យពូកគេបរិភោគបាន?» 5ព្រះអង្គក៏សួរទៅគេថា៖ «តើអ្នករាល់គ្នាមាននំប៉័ងប៉ុន្មានដុំ?» គេទូលថា៖ «មានប្រាំពីរដុំ» 6ព្រះអង្គក៏បង្គាប់បណ្ដាជនឲ្យអង្គុយនៅលើដីហើយព្រះអង្គក៏យកនំប៉័ងប្រាំពីរដុំនោះមកអរព្រះគុណរួចកាច់ឲ្យទៅពួកសិស្សរបស់ព្រះអង្គដើម្បីឲ្យពួកគេចែកបណ្ដាជនហើយពួកគេក៏ចែកដល់បណ្ដាជន 7ពួកគេមានត្រីខ្លះព្រះអង្គក៏ឲ្យពរនិងប្រាប់ពួកគេឲ្យចែកត្រីទាំងនោះទៀត 8ពួកគេបានបរិភោគឆ្អែតស្កប់ស្កល់ហើយប្រមូលចំណិតនំប៉័ងនៅសល់បានប្រាំពីរកន្ដ្រក 9ពេលនោះមានមនុស្សប្រហែលបួនពាន់នាក់រួចព្រះអង្គក៏រំសាយបណ្ដាជន 10ភ្លាមនោះព្រះអង្គបានឡើងទូកជាមួយពួកសិស្សទៅភូមិដាលម៉ានូថា។អ្នកខាងគណៈផារីស៊ីទាមទារទីសំគាល់អស្ចារ្យ
11អ្នកខាងគណៈផារិស៊ីក៏ចេញមកហើយចាប់ផ្ដើមសួរដេញដោលព្រះអង្គដើម្បីស្វែងរកទីសំគាល់ពីស្ថានសួគ៌ល្បងលព្រះអង្គ 12ព្រះអង្គដកដង្ហើមធំហើយមានបន្ទូលថា៖ «ហេតុអ្វីមនុស្សជំនាន់នេះស្វែងរកទីសំគាល់? ខ្ញុំប្រាប់អ្នករាល់គ្នាជាប្រាកដថានឹងគ្មានទីសំគាល់ណាប្រទានឲ្យមនុស្សនៅជំនាន់នេះទេ» 13ព្រះអង្គក៏ចាកចេញពីគេហើយឡើងទូកវិញ ▼▼«ត្រើយម្ខាង» គឺត្រើយខាងកើត។
ឆ្លងទៅត្រើយម្ខាង។ មេនំប៉័ងរបស់ពួកខាងគណៈផារឹស៊ីនិងពួកអ្នកខាងគណៈហេរ៉ូឌ
14ប៉ុន្ដែពួកសិស្សភ្លេចយកនំប៉័ងហើយនៅលើទូកពួកគេគ្មានអ្វីសោះក្រៅពីនំប៉័ងមួយដុំ 15ហើយព្រះអង្គព្រមានពួកគេថា៖ «ចូរប្រយ័ត្ននឹងមេនំប៉័ងរបស់ពួក ▼▼«គណ:ហេរ៉ូឌ» គឺជាគណ:បក្សនយោបាយមួយរបស់ជនជាតិយូដា ដែលគាំទ្រការគ្រប់គ្រងរបស់ពូជពង្សរបស់ស្ដេចហេរ៉ូឌគ្រប់ជំនាន់។
អ្នកខាងគណៈផារិស៊ីនិងមេនំប៉័ងរបស់ពួកអ្នកខាងគណៈហេរ៉ូឌ» 16ពួកសិស្សសួរដេញដោលគ្នាពីការដែលពួកគេគ្មាននំប៉័ង 17ពេលព្រះអង្គជ្រាបក៏មានបន្ទូលទៅគេថា៖ «ហេតុអ្វីអ្នករាល់គ្នាសួរដេញដោលគ្នាពីការដែលអ្នករាល់គ្នាគ្មាននំប៉័ងដូច្នេះ? តើអ្នករាល់គ្នានៅតែមិនទាន់ដឹងមិនទាន់យល់ឬ? តើអ្នករាល់គ្នាមានចិត្ដរឹងរូសឬ? 18តើអ្នករាល់គ្នាមានភ្នែកមើលមិនឃើញមានត្រចៀកស្ដាប់មិនឮឬក៏អ្នករាល់គ្នាចាំមិនបាន? 19នៅពេលដែលខ្ញុំកាច់នំប៉័ងប្រាំដុំឲ្យមនុស្សប្រាំពាន់នាក់តើអ្នករាល់គ្នាប្រមូលនំបុ័ងនៅសល់បានពេញប៉ុន្មានកន្ដ្រក?» ពួកគេទូលព្រះអង្គថា៖ «ដប់ពីរកន្ដ្រក» 20«ចុះពេលនំបុ័ងប្រាំពីរដុំសម្រាប់មនុស្សបួនពាន់នាក់តើអ្នករាល់គ្នាប្រមូលនំបុ័ងនៅសល់បានពេញប៉ុន្មានកន្ដ្រក?» ពួកគេទូលព្រះអង្គថា៖ «ប្រាំពីរកន្ដ្រក» 21នោះព្រះអង្គមានបន្ទូលទៅពួកគេថា៖ «តើអ្នករាល់គ្នានៅតែមិនទាន់យល់ទៀតឬ?» ព្រះយេស៊ូប្រោសបុរសខ្វាក់ម្នាក់ឲ្យបានជា
22កាលពួកគេមកដល់ក្រុងបេតសៃដាបណ្ដាជនក៏នាំបុរសខ្វាក់ម្នាក់មករកព្រះអង្គរួចសុំព្រះអង្គឲ្យព្រះអង្គពាល់គាត់ 23ព្រះអង្គបានដឹកដៃមនុស្សខ្វាក់នោះនាំចេញពីក្រុងហើយព្រះអង្គក៏ស្ដោះទឹកមាត់ដាក់ភ្នែករបស់គាត់និងដាក់ដៃលើគាត់រួចសួរថា៖ «តើអ្នកមើលឃើញអ្វីទេ?» 24គាត់ក៏សម្លឹងមើលរួចទូលថា៖ «ខ្ញុំមើលឃើញមនុស្សតែខ្ញុំឃើញពួកគេដូចជាដើមឈើកំពុងដើរ» 25បន្ទាប់មកព្រះអង្គដាក់ដៃលើភ្នែកគាត់ម្ដងទៀតគាត់ខំសម្លឹងមើលភ្នែកគាត់ក៏បានជាឡើងវិញហើយគាត់មើលឃើញអ្វីៗយ៉ាងច្បាស់ 26ព្រះអង្គឲ្យគាត់ទៅផ្ទះវិញដោយមានបន្ទូលថា៖ «ចូរអ្នកកុំចូលទៅក្នុងក្រុងអី ▼▼«ចូរកុំប្រាប់...ឲ្យសោះ» ឯកសារដើមខ្លះបន្ថែម «ចូរកុំប្រាប់អ្នកណាម្នាក់នៅភូមិនេះឲ្យសោះ»។
» ពេត្រុសប្រកាសថាព្រះយេស៊ូជាព្រះមែស៊ី
27បន្ទាប់មកព្រះយេស៊ូនិងសិស្សព្រះអង្គបានចេញទៅភូមិទាំងឡាយដែលនៅជិតក្រុងសេសារាភីលីពហើយនៅតាមផ្លូវព្រះអង្គមានបន្ទូលសួរពួកសិស្សព្រះអង្គថា៖ «តើមនុស្សទាំងឡាយនិយាយថាខ្ញុំជានរណា?» 28ពួកគេទូលព្រះអង្គថា៖ «គេនិយាយថាលោកជាលោកយ៉ូហាន ▼▼«,លោកយ៉ូហាន» គេហៅជាទូទៅថា «យ៉ូហានបាប់ទីស្ទ» គាត់មិនមែនជាយ៉ូហានដែលជាសាវករបស់ព្រះយេស៊ូទេ។
អ្នកធ្វើពិធីជ្រមុជទឹកអ្នកខ្លះថាលោកជាលោកអេលីយ៉ា ▼▼«លោកអេលីយ៉ា» ជាអ្នកនាំព្រះបន្ទូលជនជាតិហេព្រើរ ដែលជនជាតិយូដាបានសង្ឃឹមថា លោកនឹងត្រលប់មករៀបចំផ្លូវរបស់ព្រះមែស៊ី។
ហើយអ្នកខ្លះទៀតថាលោកជាម្នាក់នៅក្នុងចំណោមអ្នកនាំព្រះបន្ទូល» 29ព្រះអង្គក៏មានបន្ទូលសួរទៅពួកសិស្សថា៖ «ចុះអ្នករាល់គ្នាវិញថាខ្ញុំជាអ្នកណាដែរ?» ពេត្រុសទូលឆ្លើយថា៖ «លោកជាព្រះគ្រិស្ដ» 30ព្រះអង្គក៏ព្រមានមិនឲ្យពួកគេនិយាយប្រាប់អ្នកណាអំពីព្រះអង្គទេ។ ព្រះយេស៊ូប្រាប់ឲ្យដឹងជាមុនអំពីការសោយទឹវង្គតនិងការរស់ឡើងវិញរបស់ព្រះអង្គ
31រួចព្រះអង្គក៏ចាប់ផ្ដើមបង្រៀនពួកគេថា៖ «កូនមនុស្ស ▼▼«កូនមនុស្ស» គឺជាឈ្មោះដែលប្រើសម្រាប់ព្រះយេស៊ូតែមួយអង្គគត់នៅក្នុងគម្ពីរសញ្ញាថ្មី។
ត្រូវតែទទួលរងទុក្ខជាច្រើនត្រូវពួកចាស់ទុំពួកសម្ដេចសង្ឃនិងពួកគ្រូវិន័យជំទាស់ហើយសម្លាប់ប៉ុន្ដែបីថ្ងៃក្រោយមកនឹងរស់ឡើងវិញ» 32ព្រះអង្គមានបន្ទូលអំពីការនេះត្រង់ៗលោកពេត្រុសក៏នាំព្រះអង្គទៅដាច់ដោយឡែកពីគេរួចក៏ចាប់ផ្ដើមទូលជំទាស់ព្រះអង្គ 33តែព្រះអង្គបែរមកមើលពួកសិស្សព្រះអង្គនិងស្ដីបន្ទោសលោកពេត្រុសដោយមានបន្ទូលថា៖ «អារក្សសាតាំងចូរថយទៅក្រោយយើងដ្បិតឯងមិនគិតតាមគំនិតព្រះជាម្ចាស់ទេតែគិតតាមគំនិតមនុស្សវិញ»។ 34កាលព្រះអង្គហៅពួកបណ្ដាជននិងពួកសិស្សព្រះអង្គឲ្យជួបជុំគ្នាហើយក៏មានបន្ទូលទៅគេថា៖ «បើអ្នកណាចង់មកតាមខ្ញុំអ្នកនោះត្រូវលះបង់ខ្លួនឯងហើយលីឈើឆ្កាងខ្លួនមកតាមខ្ញុំ 35ដ្បិតអ្នកណាដែលចង់រក្សាជីវិតខ្លួនអ្នកនោះនឹងបាត់ជីវិតទៅតែអ្នកណាដែលបាត់បង់ជីវិតដោយព្រោះខ្ញុំនិងដំណឹងល្អអ្នកនោះនឹងបានជីវិតវិញ 36ដ្បិតបើមនុស្សម្នាក់ទទួលបានពិភពលោកទាំងមូលប៉ុន្ដែបាត់បង់ជីវិតខ្លួនតើមានប្រយោជន៍អ្វី? 37តើមនុស្សយកអ្វីមកប្ដូរនឹងជីវិតខ្លួនបាន? 38ដ្បិតអ្នកណាខ្មាសគេដោយសារខ្ញុំនិងពាក្យខ្ញុំនៅជំនាន់មនុស្សដែលផិតក្បត់និងពេញដោយបាបនេះនោះកូនមនុស្សនឹងខ្មាសដោយសារអ្នកនោះវិញនៅពេលដែលលោកមកនៅក្នុងសិរីរុងរឿងរបស់ព្រះវរបិតាជាមួយនឹងពួកទេវតាបរិសុទ្ធ»
Copyright information for
KhmKCB